Nagpapabisto, Bikolanong Pilipino!

Nagpapabisto, Bikolanong Pilipino!
by: Jayson de Lemon

Hali sa Bikolnun duman po ako nagpuun,
Uragon kung apudun kung sa indong tubudun.
Makusog ang buot na talagang maisugun,
Sa maski anong laban dai daraugun.

Bikolano ako! Saro sanang Pilipino!
Iba sa kadaklan na talaga mang matino.
Puso ning mga Pinoy, Puso ning mga Bikolano
igwa ning kararahayan igdi sa bayan ko!

Bikolano ako! Sa Pilipinas bistado.
Maharang na lasa ay saro man sanang gusto,
Nagpapahiling, ibang-iba ang bikolano,
Sa pilipinas ay ipinagmamalaki ko!

Magagayon na mga tao yan ay Bikolano!
Tatao sa buhay na talagang may asenso.
                                                Matinong kaulay, dai man manloloko
                                                    May sarong tataramon na pangkakaputan mo.

Mga Bikolano, MakaDiyos at Makatao,
Hadi sa Kinab-an Diyos-sasamuya iyo.
Gabos igdi sa tuya sya may gawa totoo,
Mayong sawang nakabantay saiyang gin'gibo

Kaming Bikolano maski sain kaibhan mo,
Marahay na pakikiiba mamamati mo.
Taram na pagmuot kami man din ay tatao,
na maski kay isay maadi ming itao.

Gulpi a nag-hahapot kung sain daw a Bikol,
Bikol na istaran ning mabubuot ay dakol.
Rehiyon Singko po, may kadaklaan a sukol
Bikolandia kung apudon mi igdi sa Bikol.

Taas ning angog maski kay isay sasaindo!
Mabubuot, magagayun asin mga uragon!
Bikolano ako! Iyo bikolano ako!
Nagpapabisto po, Bikolanong Pilipino!

Madya urulay Kita
by: Jayson de Lemon

Satuyang nganing girumdumun mga naka-agi,
Mga iri-istoryang satoyang mga binabase.
Mga naka-aging buhay na pirming sinasabi,
Pag-urulayan ta na ngunyan madya na digdi.

Bako bagang kaito kita nag-iribahan?
Bakin man ta ngunyan kita ay may tarampuhan?
Dikit na bagay man lang itong pinag-iwalan,
Bakin ta ngunyan dai pa ta rilingawan?

Madya ngani digdi ta mag-urulay na kita,
Satuya nang ayuson itong mga nagawa ta,
Sabihun si tama saka tanggapun si sala,
Madya na digdi magpatarawadan na kita.

Dai man kaulangan kita ay magsisihan,
Naka-agi, naka-agi sato nang lingawan,
Dai na hal'tong maaraman pa ning kadaklan
Nang dai na maglaba hanggang sa kahaluyan.

Uya na a kamot ko magkamayan na kita,
Patawadun mo ako, pinapatawad taka.
Si satuyang iribahan tara idagos ta,
Ining satuyang urulayan ngunyan tapos na!

These Poems has also been posted @