DIGDI SA MAY SAMO

DIGDI SA MAY SAMO

Kataid ning harong, harani sa harong.

Magayon man na bubong o barung-barong,

Igwang harong na may taas igwa ding may sirong 

May mga mabinida igwang daing girirong.

Sa pagka aga palang habang nagwawaralis,

Urulay-ulay agang-aga si iba nagchichismis.

Madadangog din sermon habang naglilinis

Ka mga ina na amay ding nakabungisngis.

Siribut ang mga studyante asin mga nagtratrabaho,

May mga nagaadal sa elementarya hanggang kolehiyo,

May mga “Merchandiser” man asin ibang trabaho, 

Sa paglaog nindang gabos mga  dapat organisado.

Bag-o magpangudtuhan may nananao ning panira,

Sa kataid na harong pag-uli’ may kapalit na dara.

Pag ika ay nagbisita, paglaog mo “kakan” ang pambira,

Ika man ay masabi “cge po, ano pong panira?” 

Sa oras ning siesta,si  iba naghihiringutuhan,

Si iba ay mga turog, si iba nagbibiringuhan.

May mga nagtotorong-it, may mga nasa bilyaran.

Yan ang kanormalan na mga rilibangan.

Teleserye pagka banggi, na dinadalan pirme.

“Madi ano na ang nangyadi?” Hapot ni kumadre.

Si mga kalalakihan man, nasa inuman man nagdadale.

“Padi tagay  pampaturog lang ini” Sabi man ni kumpadre.

Si mga kaakian na mga nagdadaraga nagbibinata,

Nagcocomputer, nasa baylihan, si iba nasa Beach na.

Minsan kulog payo, maaram ka nasa Barangay na,

Si iba mararahay na nagaadal, youth sa simbahan man daa.

Pag-abot ning matanga-paaga maralawod uruya na,

May mga darang lamabat, sagwan panggasolina.

Madarakop ning mga sira pambuhay sa pamilya,

Ta nganing pagkaaga may pagkukuanan daing tunganga.  

Sa ara-aldaw na pangyayadi igdi sa Barangay na ini,

Mararahay na iribahan, nagtatarabangan man pirmi.

Sa kaurugmahan, libangan, pikunan, dalamhati, 

Dai yan mawawara ta gulpi man ngani kayan digdi.