KuboTel (Kubo na Hotel)

KuboTel (Kubo na Hotel)

Isang dampa sa sa amin ay nagawa

kasiyahang dulot sa samin ay nakita

Pagkakaibigan na tunay ay nagsimula

Dahil sa KuboTel dito ay nagkita-kita 

Pagdadamayan ng lahat at pagbibigayan

Pagtutul'ngan, pagkakaisa at unawaan

Pagbibiruan at walang humpay na tawanan

Karanasang tunay ng aming pinagsamahan.

Pagmamahalan naming mga magkakaibigan

Ay hinding- hindi mawawasak kailan pa man

Kahit daanan ng unos at mga kabiguan

Ng Dahil sa KuboTel  kami ay nabuhayan.

Sa aming pagtulog sa KuboTel na ginawa

Kapayapaang dulot sa amin ay napuna

Pagdampi ng mga hangin ay aming nang nadama

Tunay nga tal'gang dalisay at kaayaaya 

Sa likod ng KuboTel sang dagat na payapa

Sa paligid nito'y kasiya siyang mga bata

Mga naglalaro na talaga ngang mapupuna 

Ang ganda ng buhay na tunay ngang maligaya .

Sa pagsapit ng dilim ay kay lamig ng hangin 

Lagaslas ng mga puno't mumunting himig namin

Na sumasabay sa musika naming awitin

Sa saliw ng gitara't linamnam ng inumin

Naaalala ko pa nung KuboTel ay gin'wa

Bayanihan, tulong-tulong, kami'y sama-sama,

Ideya ng lahat hangang matapos ang dampa

Nang mabuo na, selebrasyong kahanga-hanga.

O Mahal nga naming KuboTel, Kubo na Hotel.

Ikaw ay isang tahanang hindi masusupil

Ikaw na sa saami'y naging isang  anghel,

Pagbubuklod sa amin ay iyong naging papel.

O poong mapagpala ika'y napakabuti

Iyong binigay KuboTel na katangi-tangi

Kubo na Hotel na aming ngang binabahagi

Sayo o aming Diyos Tunay kang pinupuri.

(de Lemon Residence's Backyard P-5 Brgy. Bagasbas,

Daet, Camarines Norte)